Tuesday, February 2, 2010

कालच्या प्रतिक्रिया...

कालचाच नाही तर मागचे एक-दोन दिवस जरा जास्तच गडबडीचे होते..अरे मराठीब्लॉगज डॉट नेट पण करायला नाही मिळालं म्हणजे समजुन घ्या की राव..भटकंतीची लिहून ठेवलेली पोस्ट पण फ़ोटो कोलाजसाठी वाट पाहात फ़ोल्डरमध्ये पडून राहिली होती मग माझिया मनावर येऊन कसली कुरकुर करावी??
पण मग आपल्यासाठी एवढं खपून लिहिणार्‍या ब्लॉगर्सना वाचायला नको का? आणि वाचून आवडलं की त्यांना प्रतिक्रिया द्यायला नको का? म्हणून चक्क ctrl C आणि ctrl V ला साकडंच घातलं..भाग्यश्रीच्या पोस्टवरचं तन्वीच्या "सहीयत गं" मधला सही आणि आनंदच्या "भारीच" मधला च (माहित आहे मला हे जरा उलटच्या अ आ ई सारखं होतंय) आणि "आहेत" उचलले आणि केलं एकदाचं ctrl v झालं की नाही "सहीच आहेत?" त्याला पुढे चार पाच टिंब आणि एक माझावाला smiley दिला जोडून झालं आपलं माझ्या खर्याखु‍र्‍या प्रतिक्रियेसारखं...मग गेले हेरंबच्या पोस्टवर...बापरे त्या दारुवाली (आता तिचं हेच आडनाव होऊन जाऊदे) हं तर त्या दारूवालीचा एकदम ज्वलंत टॉपिक..म्हणजे प्रतिक्रिया नाय दिली तर हरकत नाय असा पन नाय...मग पुन्हा आनंदच्या प्रतिक्रियेबरोबर सूर जुळत होते मग घेतलं ctrl C आणि दिलं ठेऊन ctrl V..आणि खास माझं स्वतःचं +१..... आता तेवढं करता येतं की....पण प्रतिक्रिया मात्र मराठीत...चुरापावनेपण पाहिलं तर बर्‍याच दिवसांनी छान काहीतरी चुरून ठेवलं होतं..मग पुन्हा त्येच आपलं वरच्या मंडळीचं थोडं त्याच्याच पोस्टमधलं...ctrlcल केलं....आणि तयार झालं.."रिंग रॉंग रिंग रॉंग (रॉंग नंबरची रिंग ..... )हा हा हा.....एकदम धमाल ..............:)" नाही म्हणजे बाकी सगळं ठीक आहे पण एकदम धमाल?? काही अर्थ आहे का?? हे हे...पण राव मराठीत लिवलंय...आणि परतिकिया पण दिलीय वेळेत..(वेळेत ते एक महत्वाचं...) असो...
महेन्द्रकाकांच्या आणि रोहन यांच्या ब्लॉगवर गेलेच नाही...अजून एक-दोन तासात गेलं तरी चार-पाच पोस्ट्सचा कोटा राहिला असेल म्हणून एकदाच जाऊन घाऊकमध्ये वाचेन पण तरी अजुन काही टॉपिक आवडले...वाचले तर अजुन आवडले मग सोडला देवनागरी आणि ctrl C, ctrl V चा नाद आणि दिलं सरळ minglishmadhe.....
हे सर्व सांगायचं कारण?? काही नाही आता काय लिहू पेक्षा हे बरं वाटतंय...आणि मराठी टायपायचा स्पीड आलाय पण विषयांच काय?? संपले की काय?? आणि हो तुम्हाला पण असं कधी प्रतिक्रिया द्यावाश्या वाटल्या आणि त्याही हट्टाने मराठीत तर उचला ctrl C आणि वापरा ctrl V.....तुमचं माहित नाही पण माझ्यासारख्यांचा उत्साह भलताच वाढतो हं कॉमेन्ट्स मुळे आणि मग कदाचित आपोआप विषय सुचतात......

33 comments:

  1. मस्त आहे ही पोस्ट.
    पण ही कमेंट Ctrl+C, Ctrl+ Vनाही बरं का.
    शिवाय खाली ते word verification साठी ते चालतही नाही.

    ReplyDelete
  2. हा हा हा...पंकज अरे त्या वर्ड व्हेरिफ़िकेशनच्या घोटाळ्यामुळे तुझी डेंटिस्टची पोस्ट एका चांगल्या minglish comment ला मुकली रे...कंटाळून नाद सोडला आणि वेळ तसाही कमीच होता.....त्यावर लिहायचं राहुनच गेलं बॉ.....आणि तू जरा कॉमेन्टसना उत्तरं पण देत जा ना...बरं वाटतं...हे हे...:)

    ReplyDelete
  3. हाहा हाहा हाहा.. प्रतिक्रिया या विषयावर पोस्ट. क्या बात है :-)

    आले मना माझिया
    दिली मी प्रतिक्रिया

    ReplyDelete
  4. म्हणून तर "उगीच" मध्ये टाकलंय या पोस्टला...डोक्यात राहिलं होतं ते प्रतिक्रिया द्यायचं म्हणून जास्त वेळ मनात नाही ठेवलं सरळ ब्लॉगवर उतरवलं....:)

    ReplyDelete
  5. हे हे..मस्तच..आवडला हा Ctrl+C and Ctrl+V

    ReplyDelete
  6. धन्यवाद सुहास....:)

    ReplyDelete
  7. hehehe lai bhari ga .... s/w madhale copy/paste kahi angatun jat nahi ha ......... :)

    -Ashwini

    Note: tuza aadhi cha post pan chan aahet but comments karan +c and +v la pan vel navata

    ReplyDelete
  8. he he ... pratikriya dyayala vel nasala mhanaje mi saral minglish madhye lihite ... aata lihiley tase :)

    ReplyDelete
  9. good to see you Ashwini..अगं s/w मध्ये जेवढी कामं ctrlC ctrlV ने होत असतील नं तेवढी बाकी कशानेच होत नाहीत....हा हा हा...
    आणि तू वाचलीस नं पोस्ट मग झालं तर पावलं म्हणायचं....

    ReplyDelete
  10. ही ही गौरी...अगदी खरंय पुर्वी मला minglish लिहायचं म्हणजे कसंतरी वाटायचं म्हटलं इतकं मराठीत छान लिहिलेल्या ब्लॉगवर मराठीच लिहुया पण मग कायम राहून जाण्यापेक्षा minglish तर minglish... कॉमेन्टलं की बरं....धन्यवाद तू लिहून धीर वाढवतेस...:)

    ReplyDelete
  11. देत तर असतो मी प्रतिक्रियांना उत्तर. अनुक्षरे’नी सांगितल्यापासून आवर्जून देतो आता. (कदाचित १-२ दिवस उशीर होत असेल)

    ReplyDelete
  12. बरं आहे मग....अरे पण मी तुला गौरीच्या ब्लॉगवरच्या प्रतिक्रियेच्या प्रतिक्रियेत तेवढं ते DSLR चं सांगितलंय ते विसरू नकोस हं.....हे हे हे....

    ReplyDelete
  13. हो ते वाचले. तिकडेच उत्तर पण लिहिले आहे :-)

    ReplyDelete
  14. अपर्णा, सहीच गं.... :) सगळे तुझ्याच पोस्टमधले ctlc आणि ctlv बरं का....:P

    ReplyDelete
  15. हाहा हाहा हाहा.. प्रतिक्रिया या विषयावर पोस्ट. क्या बात है :-)

    आले मना माझिया
    दिली मी प्रतिक्रिया
    chyaamaari aamache pan Ctrl C aani ctrlV............kay sodate kay hummm!!!!!

    ReplyDelete
  16. तन्वी आणि भाग्यश्रीताई ctrl C, ctrl Vहे माझे कॉपीराईटस आहेत बरं का?? म्हणून तर मी पोस्ट लिहून ऑफ़िशियल करून ठेवलंय....

    ReplyDelete
  17. मस्तच जमलीय प्रतिक्रियांची पोस्ट.

    ReplyDelete
  18. मस्तच जमलीय प्रतिक्रियांची पोस्ट.

    ReplyDelete
  19. भारीच पोस्ट आहे :P (+1)

    ReplyDelete
  20. आयला आपण सगळे मिळून पायरसीला अधिकृत करून टाकणार बहुतेक ;-)

    ReplyDelete
  21. धन्यवाद अनुजाताई ....

    ReplyDelete
  22. धन्यवाद आनंद... मला ctrlC ctrlV साठी आपल्या कॉमेन्ट नाहीतर त्यातले शब्द बर्‍याचदा उपयोगी पडतात....

    ReplyDelete
  23. हेरंब तुला ते अंतु बरवामधलं वाक्य आठवतंय का? "आठ आणे खाल्ले की चौकडीचा मुगूट घालून रत्नागिरीच्या डिस्ट्रिक्ट जेलात घालतात आणि एक लाख खाल्ले की गांधी टोपी घालून पाठवतात असेंब्लीत " तसं आहे आपल्या ctrlC ctrlV चं...तिथे मोठमोठाले softwares लिहिताना होतात ना आपण नुस्तं प्रतिक्रियेत वापरलं तर हरकत नाय रे....

    ReplyDelete
  24. हेरंब बघ हिने प्रतिक्रियेत डायरेक्ट तुझ्या ’हरकत नाय’ लाच कॉपले रे.....

    ReplyDelete
  25. कॉपी आणि पेस्ट सगळ्यात बेस्ट
    वेळेचीही बचत नि कसाही होत adjust ..
    तुम्हाला सांगतो..
    कॉपी आणि पेस्ट करत राहा कितीही..
    काही केल्या संपत नाही नेटवरची शाई..
    प्रतिक्रिया मिळत जाते.. नि सुरांचेही हि संगम होते..
    समाधाना shivay दुसरे जगात मोठे सुख नसते..

    ReplyDelete
  26. अग अर्थातच आठवतंय. आता तू पुलंचाच दाखला दिलास म्हटल्यावर हा पामर काय बोलणार. करा कॉपी पेस्ट :-)

    ReplyDelete
  27. तन्वीची पहिली प्रतिक्रिया कुठेतरी वाचल्यासारखी वाटत्ये ;-)

    अग कॉपू दे.. तिने आता "पुलंचाच दाखला दिलाय म्हटल्यावर हा पामर काय बोलणार."

    (डबलकोट्स मधलं कॉपीपेस्ट करून चिकटवलं आहे हे काय सांगणे लगे?)

    ReplyDelete
  28. अखिल तुझी कविता मस्तच आहे....ते नेटवरची शाई प्रकरण मला जाम आवडलंय....:)

    ReplyDelete
  29. तन्वी, तू हेरंबला भडकवलंस तरी ’हरकत नाय’..हे हे ..तुझं "कॉपलं" सहीये........


    हेरंब तुझी हरकत नाय हा बरा हाय....

    ReplyDelete
  30. हा फंडा मी कधी कधी वापरतो बर का ;)
    मस्त लिहिले आहेस
    जीवनमूल्य

    ReplyDelete
  31. खरंय विक्रम...आणि आपण सगळेच वापरतो, फ़क्त मी मान्यही केलं आणि त्यादिवशी खरं जरा त्या फ़ंड्याचा डोस जास्त झाला म्हणून बाहेर पडलं..

    ReplyDelete
  32. अपर्णा,
    ही अखिल प्रतिक्रिया ctrlC ctrlV चा वापर करत दिली

    आभार:
    ‘अपर्णा,’: अपर्णा हा शब्द बर्‍याच ठिकाणी आहे, पण तो पुढच्या स्वल्पविरामासोबत फक्त भानसच्या प्रतिक्रियेत होता. तेव्हा हा त्यांच्याकडून साभार

    ‘ही’, ‘चा’: हे बर्‍याच ठिकाणी आहे. त्यामुळे सगळ्यांचेच आभार

    ‘अखिल’: हे नाव वास्तविक इंग्रजीमध्ये लिहिलं आहे, पण तू त्याला दिलेल्या उत्तरामध्ये ते मराठीत आहे. त्यामुळे इथे तुझे आभार.

    ‘प्रतिक्रिया’, ‘दिली’: हेरंबकडून साभार

    ‘ctrlC ctrlV’, ‘वापर’: परत तुझेच आभार

    ‘करत’: अखिलचे आभार

    ;-) ;-)

    ReplyDelete

मला ब्लॉगवर अपर्णा म्हणून संबोधलं तरी चालेल...आणि अरे-तुरे धावेल पण तरी आपल्याला पटत नसल्यास अहो-जाहोही ठिक आहे...ही प्रतिक्रिया माझ्यासाठी खूप मोलाची आहे...आपल्या प्रतिक्रियेसाठी धन्यवाद.