Friday, May 8, 2009

पहिला मदर्स डे

हा येणारा १० मेचा मदर्स डे माझा पहिलाच असणार आहे. ज्याच्या मुळे तो येतोय ते माझं बाळ खरं तर त्याच्या पुढच्या आठवड्यात वर्षाचं होईल. म्हणजे आपल्या आईसाठी आपल्यामुळे आज काही खास आहे किंवा तिला खास वाटेल असं काही करुया असं त्याचं वयही नाही. पण तरी माझ्यासाठी मात्र हे खासच.
मनात उगाच वाटतं नाहीतरी मुलगे कुठे भावनाप्रधान असतात. कदाचित लहानपणात तसं नसेल. पण नसताही गेला हा दिवस खास. की असं होईल नव-यातर्फ़े काही सरप्राइज वगैरे मिळणार पण ती शक्यता फ़ार फ़ारच धूसर कारण आत्ताच माझा स्वतःचा वाढदिवस होऊन गेला पण तसं काही खास-बिस नाही...आपलं नेहमीप्रमाणे बाहेर जाऊन खाऊन येणे आणि आता मूल लहान असल्यामुळे शक्य तितक्या जवळच्या ठिकाणी. म्हणजे अगदीच गरज पडलीच तर पटकन घरी यायला बरं....ते जाउदे उगाच भरकटतेय मी...
मुलगी नसली तरी मला एक गोड भाची आहे तिला आठवण येईल का की आज माझ्यासाठी काही स्पेशल आहे ते?? ह्म्म्म्म....माहित नाही...उगाच हुरहुर ...
मागचा मदर्स डे उलट जास्त छान म्हणायचा..बाळंतपणाच्या निमित्ताने बऱ्याच वर्षांनी आईच माझ्याजवळ....
कदाचित काही म्हणजे काहीच होणार नाही. आम्ही नेहमीप्रमाणे रविवार म्हणजे जमेल तितकी घरची कामे आटपू, बाळाचे रुटिन आहेच....आणि जर तो दुपारी छान झोपलाच तर एखादा ऑनलाईन सिनेमा किंवा नाटक असं काही...नाहीतर मागच्या आठवड्यातले राहिलेले डि.व्ही.आर. मध्ये रेकॉर्ड केलेले कार्यक्रम पाहू...

श्या...काय होतय काहीच कळत नाही...पण मला वाटतं कदाचित माझं बाळ जेव्हा आई हाक मारायला शिकेल ना तोच मदर्स डे वेगळा वाटेल...बाकी हा म्हणजे फ़क्त मे महिन्याचा दुसरा रविवार. आणि इथे रविवार म्हणजे वेगळ्या प्रकारे कामाचाच एक वार....फ़क्त मानेवर बॉसचं जू नसलेला....

पण बाळा जर तू मोठ्ठा होऊन हा ब्लॉग वाचणार असशील तर फ़क्त तुझ्यासाठी हा जास्त काही मॅटर नसलेला धागा मी लिहीत आहे बरं....म्हणजे सांगायचं बरच आहे पण कळत नाही कसं ते....

2 comments:

  1. :) good one mala hi 7 mths chi mulagi aahe mala hi asech feeling hote ticha kade baghatana aani tila jawal ghetana sarakhe bharun yet hote ki tine mala ha chan diwas dila mhanun

    ReplyDelete
  2. मी ही पोस्ट टाकल्यावर वाटलं काय भरकटल्यासारखं खरडलंय..पण आपल्या समसुखी शब्दांनी धीर आला. खूप खूप धन्यवाद.

    ReplyDelete

मला ब्लॉगवर अपर्णा म्हणून संबोधलं तरी चालेल...आणि अरे-तुरे धावेल पण तरी आपल्याला पटत नसल्यास अहो-जाहोही ठिक आहे...ही प्रतिक्रिया माझ्यासाठी खूप मोलाची आहे...आपल्या प्रतिक्रियेसाठी धन्यवाद.